Marifetullah nedir? İbrahim Halvetî Hazretleri’nden bir şiir

وجه ياره دوش اولان عالمده سيران استمز
جاننى جانانه تسليم ايلين جان استمز

بو مسافرخانه نك فانيلكك فهم ايلين
خانۀ قلبنده حقدن غيرى مهمان استمز

جنت ايچره تامودن قورقارمى حقك عاشقى
حق بودر ارباب عشقه حور و غلمان استمز

كرچه ظاهر علمنك نفعى ده واردر طالبه
ليك اسراره ايرنلر صورى عرفان استمز

ارجعى آوازى ايردى مرغ جانك سمعنه
بى قرار اولدى آنكچون ورد خندان استمز

ماسواء‌اللهدن مجرد اولدى ابراهيم بوكون
وارنى دلداره ويردى وصل و هجران استمز

قوش آطه لى  ابراهيم  حلوتى  قدس سره

---

Vech-i yâre dûş olan âlemde seyrân istemez 

Cânını cânâne teslîm eyleyen cân istemez 

Bu misâfirhânenin fânîliğin fehm eyleyen 

Hâne-i kalbinde Hakk’dan gayrı mihmân istemez 

Cennet içre tamudan korkar mı Hakk'ın âşıkı

Hak budur erbâb-ı aşka hûr u gılmân istemez

Gerçi zâhir ilminin nef’i de vardır tâlibe 

Lîk esrâra erenler sûrî irfân istemez 

İrcı’î âvâzı erdi mürg-i cânın sem’ine

Bî-karâr oldu anınçün verd-i handân istemez 

Mâsivaullahdan mücerred oldu İbrâhîm bugün 

Vârını dildâre verdi vasl u hicrân istemez

Kuşadalı İbrâhîm Halvetî
Kuddise Sırruh