1621 senesinde vefat eden Nişancızâde Mehmed Muhyiddin Efendi’nin, Mir’ât-ı Kâinât nâm kitabının hâtimesi ve Latinizesi:
---
Hâtime-i kitâb
Elhamdülillâh ki fahr-i cemî‘-i âlem Seyyid ü sened-i benî-âdem sallalâhü
aleyhi ve sellem bi-adedi enfâs-i men sekete ve tekellem hazretlerinin âfitâb-ı
âlem-tâb dîn-i şeref-intisâbları aktâr-ı dünyâya ziyâ-bahşâ olalı hulefâ-i
hunefâ-i râşidîn ve esâtîn-i selâtîn-i ehl-i dîn ve sâir guzât-ı hüdât ve
mücâhidîn rahmetullâhi te‘âlâ aleyhim ecma‘în zümrelerinin, mihr-i nâ-bedâr
şemşîr-i âb-dârlarıyla zulâm-ı küfr ü dalâlet emsâr ve aktârdan kal‘ u kam‘ ve
def‘ ü ref‘ olunmağla, milel-i sâlife-i mütehâlife ve edyân-ı sâbıka-i gayr-i
mütevâfıka, nesh u fesh olunub, bünyân-ı küfr ve tuğyân, yevmen fe yevmen
münhedim, belki bilkülliyye zâil ve mün‘adim olmak üzeredir.
Hazret-i rabb-i vâsiü’l-‘atâ-i sâmi‘ü’d-du‘â ve dâfi‘ü’l-belâ ve râfi‘ü’s
semâdan tazarru‘la ricâ olunur ki, “İnnallâhe zevâ liye’l-arde,
fe-ra’eytühû meşârikahâ ve megâribehâ ve inne ümmetî se-yeblugu mülkuhâ mâ-zevâ
liye minhâ” hadîs-i beşâret-nûrunun mazmûm-i hümâyûn ve ferh-i
makrûnun, rûz-be-rûz zuhûr ve bürûz etdirüb, sâkinân-ı etrâf-ı ma‘mûre-i erd ve
kâtınân-ı eknâf-ı âlem bi’l-tûli ve’l-arz, efdal ve ekmel-i selâtîn-i cihân,
bâ‘is-i râhat-ı emn ü emân-ı ehl-i îmân olan mülûk-i mekremet-sülûk-i Âl-i
Osmân, halledallâhu hilâfetuhum ilâ inteha’z-zemân cenâblarına musahhar ve
mecmû‘-i memâlik-i rûy-i zemîn zîr-i nigîn-i zafer-karînleri olmak mukadder ve
müyesser ve mukarrer ola.
Bi-hakkı’l-hakk ve sıfâtihi’l-alî. Âmîn yâ erhamerrâhimîn ve’l-hamdü
lillâhi rabbi’l-âlemîn
No comments:
Post a Comment